Nipasalig si Presidente Ferdinand Bongbong Marcos Jr. nga paningkamutan niini nga matuldokan ang kagutom sa nasud, sa dili pa mahuman ang iyang termino.
Sa paglusad sa programa nga “Biyayang Bigas” sa Maynila, gihingusgan sa presidente nga prayoridad sa kagamhanan ang seguridad sa pagkain labi na ang suplay sa bugas.
Matod sa presidente nga tinguha niini nga masiguro nga wala nay magutom nga Filipino sa dili pa matapos ang iyang termino hinungdan nga nagpadayon kini sa pagpatuman sa mga lakang aron magpabilin ang igong suplay sa pagkaon.
Lakip sa programa ang paggmit sa Local Government Support Fund kung diin direkta nga ihatag ang pondo ngadto sa local nga kagamhanan aron mapadali ang pagpang apod-apod sa tabang.
Gihingusgan sa presidente nga adunay kapasidad ang kagamhanan nga sulbaron ang pagsaka sa presyo sa pagkaon bisan nagpabiling kontrolado ang presyo sa lana.
Photo credits: peoplestaliba.com
