Giaprobahan na ni Cebu Provincial Gov. Pamela Baricuatro ang pagrenovate sa Emergency Room (ER) sa Oslob District Hospital, human sa rekomendasyon sa Capitol Piso Public Health Consultant nga si Dr. Nikki Catalan.
Ang pag-aproba miabot human personal nga giinspeksyon ni Catalan ang pasilidad, diin iyang namatikdan ang panginahanglan sa dayong pagpaayo aron mapalambo ang pag-atiman sa pasyente ug ang kinatibuk-ang operasyon sa ospital.
Tumong sa planong renovation ang pagpaayo sa kaharuhay, organisasyon, kalimpyo, ug mga ekipo sa ER.
Lakip usab niini ang mas episyenteng layout ug lig-on nga sanitation measures aron mas mahatagan og hustong serbisyo ang mga pasyenteng nanginahanglan og dalian nga medikal nga atensyon.
Kabahin kini sa mas lapad nga paningkamot sa Cebu Provincial Government aron mapalig-on ang serbisyo sa panglawas sa tibuok probinsya sa Sugbo ug mapaduol ang kalidad nga hospital care ngadto sa katawhan, ilabi na sa district-level nga mga pasilidad.
Photo credits: Cebu Province PIO
