Mipasalig si Agriculture Secretary Francisco Tiu Laurel Jr. nga ang suplay sa bugas sa nasud nagpabiling lig-on bisan pa sa pagsaka sa presyo sa lana ug gasto sa agrikultura tungod sa tensiyon sa Middle East.
Matod sa kadagkoan sa DA, ang posibleng 20% nga pagkunhod sa produksiyon sa bugas gikonsiderar lang nga “worst-case scenario,” ug wala gipaabot nga mahitabo tungod sa mga lakang nga gipatuman sa gobyerno.
Dugang pa niya nga nakabenepisyo ang Pilipinas sa igong suplay sa bugas sa tibuok kalibutan, ilabi na sa mga dagkong eksporter sama sa India ug Vietnam nga anaa karon sa peak harvest season.West Philippine Sea
Matod sa kalihim, hapit na mapuno ang mga storage facility sa National Food Authority (NFA) nga nagsilbi nga buffer stock sa nasod.
Gikataho nga andam usab ang gobyerno nga modugang og Php20 bilyones alang sa farm inputs ug Php10 bilyones alang sa tabang sa mga mananagt aron masustiner ang ilang panginabuhian.
Photo Courtesy:Insider PH
