Dakpan nag usa ka lalaki nga gikonsiderang Other Wanted Person sa mga otoridad atol sa gikasa nga Manhunt Charlie operation sa Prk. Gemilina, Barangay Poblacion, Cateel, Davao Oriental pasado alas 2:00 sa hapon niadtong Abril 13, 2026.
Gihimo ang operasyon sa pagpanguna na sa mga personahe sa Cateel Municipal Police Station, kauban ang PIU DOPPO ug uban pang mga law enforcement units nga miresulta sa pagkasikop ni alyas “Kin”, 36-anyos, laborer ug residente sa Barangay San Antonio sa maong munisipyo.
Ang suspek naaresto pinaagi na sa pagpatuman sa Warrant of Arrest alang sa kasong Attempted Homicide nga giisyu sa korte, ilalom sa Criminal Case Number C-3449-2026 nga penitsahan niadtong Abril 1, 2026 ug adunay pyansang girekomendar nga mukabat sa Php 36,000.00 alang sa iyang temporaryong kagawasan.
Sa kasamtangan gikustodiya na ang suspetsado sa Cateel Municipal Police Station alang sa hustong disposisyon.
Photo Courtesy: Cateel MPS
