Sayo nga natapos ang kampanya sa Filipina tennis star nga si Alex Eala sa Stuttgart Open human siya gipildi sa laing Filipina-Canadian nga si Leylah Fernandez sulod sa straight sets, 1-6, 4-6, sa Round of 32 niadtong Martes didto sa Germany.
Dali nga milabaw si Fernandez sa unang set human mikuha og 5-0 nga bentaha sa wala pa makapuntos si Eala. Bisan pa og nakakuha og usa ka game ang Filipina, daling gitapos ni Fernandez ang set.
Nagpakita og mas isog nga dula si Eala sa ikaduhang set human niya nakuha ang unang game. Apan, nakabawi si Fernandez ug gipadayon ang iyang 3-1 nga labaw.
Nisuway pa og gukod si Eala pinaagi sa back-to-back games, apan wala kini paigo aron mapugngan si Fernandez, kinsa hingpit nga nagselyo sa iyang kadaugan.
Photo courtesy: Rappler
