Gipahibalo sa Bureau of Internal Revenue nga 2,263 ka klase sa tambal karon wala na’y Value-Added Tax (VAT), base sa bag-ong listahan nga gi-endorso sa Food and Drug Administration ug ubos sa Revenue Memorandum Circular No. 27-2026 nga gipagawas niadtong Abril 8.
Kini nga listahan mopuli sa tanang karaang circulars ug magpabilin hangtod adunay bag-ong update gikan sa FDA. Ang VAT exemption gipatuman ubos sa Republic Act No. 10963 ug Republic Act No. 11534.
Sa 2,263 ka tambal, 702 para sa kanser, 535 sa high blood, 327 sa diabetes, 300 sa mental illness, 171 sa high cholesterol, 152 sa kidney disease, ug 76 sa tuberculosis.
Matod sa BIR, kabahin kini sa padayon nga paningkamot sa gobyerno nga mapagaan ang gasto sa tambal ug mapalapad ang access sa healthcare sa mga Pilipino.
Photo Courtesy: PNA
