Dakpan ang usa ka lalaki nga wanted sa kasong pagpanglugos pinaagi sa gilusad nga joint law enforcement operation sa kapulisan sa Barangay Poblacion, lungsod sa Tampilisan, Zamboanga del Norte, niadtong Abril 13, 2026.
Giila ang dinakpan nga si Tirso, 52-anyos, minyo, driver ug residente sa Purok Gabi, Brgy. Del Pilar, Piñan, Zamboanga del Norte.
Gisikop ang akusado pinasikad sa warrant of arrest sa nasangpit nga kaso nga gipagula Presiding Judge, Regional Trial Court, Ninth Judicial Region, Branch 11, Sindangan, Zamboanga del Norte, pinetsahan ug July 29,1996 nga walay pyansa nga girekomendar.
Gipangunahan ang maong operasyon sa mga personahe sa Tracker Team sa Zamboanga del Norte 2nd Provincial Mobile Force Company kauban ang 97th Infantry Battalion, Philippine Army ug Tampilisan Municipal Police Station.
Sa kasamtangan nakakustudiya na ang suspetsado sa Tampilisan MPS alang sa tukmang disposisyon.
