Nag-viral karon sa social media ang makapatandog nga birthday greeting ni Kitty Duterte para sa iyang “ninong” ug suod nga higala sa pamilya nga si Senator Bong Go.
Sa iyang Instagram post, wala magpugong ang kamanghurang anak ni kanhi Presidente Rodrigo Duterte sa pagpadayag sa iyang pagpangga ngadto sa senador.
Direktang gitawag ni Kitty si Bong Go nga iyang “Second Papa.” Matod pa sa dalaga, dako kaayo ang papel sa senador sa iyang kinabuhi ug giisip na gyud niya kini nga kapamilya tungod sa kadugayon na niining kauban sa iyang amahan.
Gidayeg ni Kitty ang pagka “Loyal” ug “Genuine” ni Bong Go. Gipanganlan niya ang senador nga usa sa pipila ka tawo nga nagpabiling matinud-anon ug wala mobiya sa ilang pamilya bisan pa man sa daghang mga pagsulay sa politika.
Gawas sa pagka senador, gipasalamatan ni Kitty ang pagka-tinuod nga higala niini. Matod niya, “Thank you for your loyalty,” nga nagpakita sa lawom nga relasyon sa duha ka kampo nga nagsugod pa sa Davao hangtod na sa Malacañang.
Daghan ang na-touch sa maong mensahe kay talagsa ra makita ang ingon niini ka “sweet” ug “personal” nga side ni Kitty Duterte. Kini nagpamatuod lang nga bisan sa kalibutan sa politika, duna gihapoy mga relasyon nga mas lawom pa kaysa trabaho
Photo Courtesy: x.com
