Padayon nga nagkahiusa ang mga otoridad sa ilang paningkamot pinaagi na sa pagpatuman sa ronda patrolya sa dakbayan sa Mati aron nga masiguro ang kaluwasan ug kahapsay sa tanan.
Gipangunahan ni PLTCOL FREDERICK C SA-AO, Acting Chief of Police sa Mati City Police Station ang maong patrolya, uban sa mga Barangay Tanod ingon man anaa usab ang presensya sa mga miyembro sa City Public Safety and Security Office sa pagpanguna ni Ret. Pol. Col. Ruben Piquero.
Lakip sa ilang giimplementar nga lakang mao ang mga City Ordinances sa syudad sama na lamang sa Curfew, Anti-Smoking, Oplan Bora-Bora, Oplan Pukot, pagdili sa pag-inom sa daplin sa kalsada, regulasyon sa videoke o saba-saba human sa alas 10:00 sa gabii ug pag-undang sa pag-serve og ilimnon sa mga bar pag-abot sa alas 1:00 sa kaadlawon.
Nagpabilin usab ang pasalig sa mga otoridad ngadto sa publiko aron nga magpabilin ang luwas ug hapsay nga komunidad.
Photo Courtesy: MATI CPS
