Nakaangkon og talagsaong kaso sa impeksiyon sa sinus ang usa ka babaye sa United States human giutotan sa iyang uyab.
Giila ang biktima nga si Christine Connell, kinsa nagsugod ang gipamati niadtong 2016 human sa insidente nga naglambigit sa iyang partner samtang sila natulog.
Matod pa niini, kalit siyang giutotan sa nawong sa iyang uyab, nga sa sinugdanan gihimong kataw-anan. Apan paglabay sa pipila ka adlaw, mibati siya og pagbara sa ilong, sakit sa ulo, sip-on ug hilanat nga misamot sa paglabay sa panahon.
Human sa dugay nga pag-antos ug nagpadayon nga sintomas sulod sa pila ka tuig, midangop si Connell sa mga doktor alang sa medikal nga tabang. Didto nadiskubrehan nga adunay Escherichia coli sa iyang sinus—usa ka klase sa bakterya nga kasagarang makita sa tinai ug dili sa ilong.
Sumala sa mga eksperto, posible nga nakasulod ang bakterya tungod sa huyang nga immune system sa pasyente, nga nakapahimo niini nga dali matakdan og impeksiyon.
Bisan pa sa nagkalain-laing tambal nga gisulayan, nagbalik-balik gihapon ang impeksiyon, hinungdan nga gikonsiderar sa mga doktor ang operasyon aron tangtangon ang apektadong tissue sa iyang ilong
Photo Courtesy: Dreamstime.com
