Gisugdan sa militar sa Estados Unidos ang usa ka blockade o pagbabag sa mga pantalan sa Iran kagahapong adlawa Abril 13 2026. Kini human sa pagdumili sa nasud Iran sa pagtuman sa mga pasidaan nga gihatag sa Amerika.
Matod pa sa US Central Command, ipahigayon ang operasyon sa mga barko nga mosulod ug mogawas sa mga pantalan sa Iran sugod alas-10:00 sa buntag. Gipaklaro sa US military nga dili nila pugngan ang mga barko nga moagi sa Strait of Hormuz nga padulong o gikan sa ubang mga nasud.
Kini nga lakang gibuhat human ang pahayag ni US President Donald Trump nga magpatuman og blockade sa maong agianan sa mga barko nga nagkarga og lana, ug nagbahad nga harangon ang tanang sakyanan sa dagat nga mosulod ug mogawas sa Strait of Hormuz.
Sa pikas bahin, nagpahimangno ang Iran’s Revolutionary Guard nga ang bisan unsang pagpaduol sa mga barkong panggubat sa Amerika sa Strait of Hormuz isipon nga usa ka paglapas sa kasamtangang ceasefire.
Photo Courtesy: Reuter
