Gipulutan karon sa socmed ang usa ka babaye human nga nahigugma sa iyang manika ug gipakaslan pa gayod niini.
Diin usa ka 23-anyos nga babaye nga giila nga si Felicity Ann Kadlec-Rossi ang nahimong “talk of the town” human niya pormal nga gipakaslan ang iyang paboritong manika—dili lang ordinaryo nga Barbie, kondili usa ka zombie doll nga ginganlan niini Kelly Rossi.
Sumala pa ni Felicity, 13-anyos pa lang siya sa dihang giregaluhan siya sa iyang amahan sa maong manika, ug pag-abot niya og 16, didto na kuno “ni-spark” ang iyang pagbati dili ngadto sa nanguyab kaniya kundili sa iyang manika.
Ang bonggang kasal gipahigayon sa Rhode Island diin naggasto si Felicity og $500 (kapin ₱25,000) alang sa iyang wedding dress, suit sa iyang “groom ug mga dekorasyon. Ang mas sadya pa niini, duna’y walo ka laing mga zombie dolls ang nitambong isip “guests” uban ang pipila ka mga kabanay ug higala ni Felicity nga siguro naglibog sab kung unsay i-regalo sa bag-ong kasal.
Dugang pa ni Felicity, “complete” na kuno ang iyang kalibutan karon nga Mrs. Rossi na siya. Si Felicity nailhan sab nga nagsulat og libro nga Zombieblood.
Photo Courtesy: Malay Mail
