Mipatigbabaw si Ian Mark Kamangkang o mas nailhan online world isip “Pitik Queen,” tungod sa iyang pagkamatinud-anon, pagmahal sa kultura, ug tinuod nga pag-alagad sa komunidad.
Likod sa iyang nailhan nga “pitik” nga lihok ug unique nga estilo, si Kamangkang usa ka proud queer T’boli educator. Sa tinuod nga kinabuhi, nagserbisyo siya isip school secretary ug nagtudlo sa junior high ug kolehiyo, diin iyang gipaambit ang kahibalo samtang gipalambo ang bahandianon nga kultura sa mga T’boli.
Mapasigarboon ang iyang pagkasikat tungod sa iyang pagdawat sa kaugalingong identidad. Sa iyang pagkamatinud-anon maoy hinungdan nga duol ug tinuod ang iyang koneksyon sa mga netizen.
Labaw pa sa social media, aktibo usab si Kamangkang sa mga charity mission sa lagyong mga lugar, nga nagdala og tabang alang sa edukasyon ug serbisyong medikal. Ang iyang mga kalihokan nagpamatuod nga ang impluwensya mahimong kauban sa tinuod nga pag-alagad.
Karun daghan aduna nay daghang imbetasyon si Kamangkang, TV exposure, interviews, promotions ug ingon man collab sa mga sikat nga artista ug personalidad sa social media. Kahinumdoman nga nisikat ug maayo si Kamangkang tungod sa iyang pagsayaw sa sikat nga kantang ” Hawak Mo ang Beat”.
Samtang nagpadayon ang iyang pagkasiakat nagkadaghan usab ang pagdayeg sa iyaha. Kini usa ka pahimangno nga ang tinuod nga impluwensya dili lang makita sa viral nga post sa social media, kundili sa karakter, batasan ug pagkamitinud-anon sa kaugalingon.
Photo Courtesy: GMA Network
