Giduso nila ni Speaker Faustino Dy III ug House Majority Leader Sandro Marcos ang House Bill No. 8834 o ang KALINGA Act nga nagtumong sa pagpanalipod sa mga Pilipino batok sa epekto sa pagsaka sa presyo sa lana ug ang paspas nga pagsaka sa mga galastuhan. Tumong sa balaudnon nga ipatuman ang usa ka awtomatiko ug paspas nga tubag sa kagamhanan sa higayon nga adunay oil price shocks aron malikayan ang domino effect sa pamasahe, pagkaon, kuryente, ug uban pang nag-unang palaliton.
Ubos niini nga balaodnon, pagatukuron ang KALINGA Program nga usa ka whole-of-government response nga daling i-activate kung adunay grabe nga pagsaka sa presyo sa lana, inflation, kakuwang sa suplay, o energy emergency. Ang mga lakang naglakip sa fuel subsidy, temporaryong pagkunhod sa buhis sa lana, tabang-pinansyal sa mga kabus, suporta sa transportasyon ug agrikultura, ug tabang sa gagmay nga negosyo aron malikayan ang pagsira ug pagkawala sa trabaho.
Target niini nga matabangan ang mga huyang nga sektor sama sa low-income households, mga driver, mag-uuma, mangingisda, ug MSMEs nga grabeng naapektuhan sa pagsaka sa presyo.
Naglakip usab ang balaudnon og mga mekanismo aron mapadayon ang suplay sa enerhiya, mapaubsan ang konsumo, ug mapugngan ang hoarding ug profiteering. Maghimo usab og KALINGA Inter-Agency Task Force nga modumala sa implementasyon ug mosiguro sa koordinadong aksyon sa nagkalain-laing ahensya sa gobyerno.
Photo courtesy: Politiko
