Giaprubahan sa 21st City Council ang resolusyon nga magpailawom sa dakbayan sa State of Energy Emergency atol sa special session nga gipahigayon niadtong nakalabay nga adlaw.
Ang deklarasyon sa State of Energy Emergency, nagsumikad sa rekomendasyon sa City Disaster Risk Reduction and Management Department kung asa tugutan ang dakbayan sa paggamit sa 5% sa calamity fund nga mokantidad sa Php400 million.
Apan pagpaklaro ni Majority Floor Leader Edgar Cabanlas, anaa lang sa kapin Php120 million pesos ang available nga pundo sa karon busa prayoridad usang mahatagan og ayuda ang mga rela drivers/operators.
Gipaniguro sab ni Cabanlas nga mahatagan og ayuda ang uban pang sektor nga apektado sa pangkalibutang krisis sa lana sama sa mga mag-uuma, mangingisda, PWD, solo parents, senior citizens, mga estudyante ug uban pa.
Lauman nga karong adlawa, magsugod na ang lokang nga panggamhanan sa Cagayan de Oro sa paghatag og ayuda nga dos mil pesos sa mga rela drivers, dungan sa pagpanghatag og cash relief assistance sa DSWD.
Photo courtesy: wikimedia commons
