Kasamtangang nakig-alayon ang Philippine law enforcement agencies sa ilang Vietnamese counterparts, human gikataho nga ang puganteng negosyante nga maoy nag-unang suspek sa kaso sa missing sabungeros nga si Charlie Atong ang nasigpatan sa Vietnam.
Matod ni Department of Interior and Local Government Secretary Juanito Victor Remulla, ang gobyerno naghimog diplomatikong mga paningkamot nga makig-alaayon sa mga otoridad sa Vietnam aron masusi ang ilang mga rekord sa imigrasyon ug masuta kung ang most wanted fugitive anaa ba sa nasod.
Dugang niya, nga mahibaw-an sa dili madugay ang resulta ug kompirmasyon kung anaa ba si Ang sa Vietnam, tungod sa nagpadayong kontak tali ni Philippine National Police (PNP) Chief PGen. Jose Melencio Nartatez Jr. ug sa mga otoridad sa maong nasud.
Sa laing bahin, giimbestigahan nga posibleng nibiya si Ang sa nasod agi sa backdoor sa Mindanao paingon sa Malaysia pipila ka semana human na-issue ang warrant of arrest batok kaniya.
Sa pagkakaron, ang DILG ug uban pang cooperating agencies nakig alayon na sa pag-isyu og red notice batok ni Ang alang sa dinaliang pagdakop sa pugante.
Photo Courtesy: Asian Journal News
