Gibisita sa mga kawani sa kagamhanang probinsiyal partikular sa Provincial Social Welfare and Development Office (PSWDO) ug Provincial Treasurer’s Office (PTO) sa 37 ka barangay sa M’lang aron ipang-apod-apod ang hinabang pinansyal sa gobyerno ngadto sa mga katigulangan.
Diin ang nasangpit nga hinabang, nagkantidad og Php21.20M, gikan sa Social Pension Program nga gipatuman sa buhatan sa Department of Social Welfare and Development (DSWD) Secretary Rex Gatchalian ug Field Office XII Regional Director Loreto V. Cabaya, Jr.
Kun asa kapin 7,067 ka mga kwalipikadong benepisyaryo gikan sa nahisgutang mga lungsod makadawat og Php3,000 matag usa nga naglangkob sa unang quarter sa tuig 2026, o gikan sa Enero hangtod bulan sa Marso.
Kini nga lakang isip suporta nga matubag ang mga batakang panginahanglanon sa mga katigulangan sama sa pagkaon ug tambal, aron ilang mabati nga adunay gobyerno nga nagpakabana ug andam mosuporta kanila luyo sa hagit sailang kinabuhi.
Photo Courtesy:Provincial Government of Cotabato
