Sugdan karong adlawa, Martes, Abril 7, sa Korte Suprema ang oral arguments alang sa upat ka managlahing petisyon nga nagkwestiyon sa legalidad sa unprogrammed funds ug special accounts sa nasudnong badyet gikan sa tuig 2024 hangtod 2026.
Tungod sa tinguha nga makadaginot sa gasto sa transportasyon, gihukman nga ibalhin ang pagpahigayon sa oral arguments gikan sa Baguio City ngadto sa Manila.
Lakip sa mga petisyon ang: Lagman et al. vs Congress, Pimentel III & Alvarez vs Bersamin & Pangandaman, ang Filipinos for Peace, Justice and Progress vs House of Representatives, ug ang Erice & De Lima vs Senate.
Gihangyo sa mga petitioner—nga gilangkuban sa mga magbabalaod, mga magbubuhis (taxpayers), ug mga concerned citizen—nga ipawalay-bisa ang mga kausaban o adjustments nga gihimo sa Bicameral Conference Committees nga hinungdan sa pagburot sa badyet sulod sa tulo ka sunod-sunod nga tuig.
Nakatakda usab nga ipahigayon ang ikaduhang adlaw sa oral argument karon umaabot nga Abril 21.
Photo courtesy: Supreme Court PH/ Facebook
