Gipukan sa Milwaukee Bucks ang Memphis Grizzlies, 131-115, sa ilang sangka niadtong Dominggo sa Fiserv Forum, Milwaukee.
Bisan paman wala sa eksina si Giannis Antetokounmpo tungod sa injury, gipangulohan ni Ryan Rollins ang Bucks pinaagi sa iyang 24 puntos, samtang niamot sab si Cormac Ryan og 21 puntos, Myles Turner nga adunay 19 puntos ug 11 ka rebounds, ug si Taurean Prince nga nagtala og 19 puntos gikan sa hapit hingpit nga shooting.
Sa laing bahin, nagtala si Rayan Rupert sa Grizzlies og talagsaon nga triple-double nga adunay 33 puntos, 10 ka rebounds, ug 10 ka assists, apan wala kini ka-igo aron mapugngan ang lig-on nga opensa sa Milwaukee.
Nakasinati ang Memphis sa ilang ikaupat nga sunod-sunod nga pilde ug ika-17 nga higayon sa miaging 19 ka duwa, samtang ang Bucks nakabalik na sa kadaugan human sa duha ka sunod-sunod nga pilde.
Ang kadaugan ang kamatuoran sa katakos sa Milwaukee nga mo-adjust bisan wala ang ilang star player, samtang padayon usab nga naglisod ang Grizzlies tungod sa sunod-sunod nga injury sa ilang mga sakop.
Photo courtesy: sports.betmgm
