Nangandam na ang Office of the Ombudsman sa pagpasaka og kasong plunder batok nila kanhi House Speaker Martin Romualdez ug kanhi Senate President Chiz Escudero may kalabutan sa flood control issues.
Si Ombudsman Jesus Crispin Remulla niingon nga ang kaso nga ipasaka batok sa mga nahisgutan naglakip sa elemento sa conspiracy. Matod niya gikatakdang ipasaka ang kaso sunod buwan sa Mayo.
Ang kasong plunder nga ipasaka may kalambigitan sa mga anomalosong flood control projects ug daghan pang mga indibidwal sa duha ka kapulungan sa Kongreso ang nalambigit niini. Dugang ni Remulla nga ang kaso naglambigit sa kuwestiyonableng pagpasa sa budget sa duha ka balay sa Kongreso aron mapatuman ang proyekto.
Mohimo ang Ombudsman ug case buildup ug tun-an ang mga panghitabo sa panahon ni kanhi House speaker Lord Allan Velasco gikan sa 2020 hangtod 2022. Ang pagtukod sa kaso magsentro sa testimonya sa mga testigo sa Senate Blue Ribbon hearings nga gihimo sa budget control sa gobyerno. Sila si Romualdez ug Escudero unang mihimakak sa maong isyu.
Photo Courtesy: Rappler
