Nadakpan sa kapulisan ang usa ka lalaki kinsa wanted sa kasong paglapas sa RA 9262 kon Anti-Violence Against Women and Their Children Act of 2004 pinaagi sa gilunsad nga law enforcemewnt operation sa Sitio Silakad, Barangay Muñoz, lungsod sa Siayan, Zamboanga del Norte niadtong milabayng adlaw.
Giila ang dinakpan nga si alyas “Mario” 49-anyos, minyo ug residente sa nasangpit nga dapit.
Gisikop ang akusado pinasikad sa warrant of arrest sa maong kaso nga gipagula sa Presiding Judge of the Family Court, 9th Judicial Region, Branch 05, Sindangan, Zamboanga del Norte pinetsahan ug Hulyo 4, 2025.
Adunay girekomendar nga pyansa ang korte nga mokabat sa Php24,000.00 batok sa akusado kinsa gidala ngadto sa kustudiya sa Siayan Municipal Police Station alanmg sa tukmang disposisyon.
Photo Courtesy: Siayan MPS
