Nakalas ang walo ka mga indibidwal samtang samaran ang usa ka bata human nga nahagsa ang balay sa Kabul, Afghanistan tungod sa nahitabong kusog nga linog.
Matod sa National Disaster Management Authority nga subay sa German Research Centre for Geosciences nga nakasinati ang rehiyon sa Hindu Kush og 5.9 magnitude. Nasinati ang maong kusog nga linog ngadto sa lain-laing lugar lakip ang Islamabad sa Pakistan, ingon man sa Kabul ug New Delhi sa India.
Sa nasayran, moabot sa 560 ka mga indibidwal ang namatay matag tuig tungod sa linog sa nasud isip giila nga vulnerable sector.
Kahinumduman, niadtong Nobyembre 2025, kusog nga linog ang niigo sa Afghanistan nga niabot sa 6.3 magnitude nga niresulta sa pagkakalas sa 27 ka mga indibidwal ug niguba sa gatosan ka mga panimalay.
Photo Courtesy: The Independent
