Mopatuman og dakong pagsaka sa presyo sa produktong petrolyo ngadto sa Php170 matag litro sa krudo ning semanaha subay sa nagpadayon nga pagsaka sab sa global oil prices nunot sa kasamtangang tensiyon sa Middle East.
Matod sa industriya sa lana nga moumento og Php17 ngadto sa Php19 ang matag litro nga ipatuman ugmang adlawa, Abril 7.
Samtang ang gasolina mopatuman sab og laing pag-umento nga anaa sa Php3 ngadto sa Php5 matag litro.
Nagpakita ang price monitoring sa Department of Energy nga niadtong Marso 24 ngadto sa 30, niabot na ang regular price sa krudo og Php105 ngadto sa Php131.90 matag litro samtang mas taas ang sa premium diesel nga anaa sa Php119.50 ngadto sa Php140.20 matag litro.
Dugang niini nga ang maong pagsibog sa presyo sa produktong lana subay sa nagpadayon nga tensiyon sa middle east.
Photo Courtesy: Daily Tribune
