Gipadayag ni Sen. Erwin Tulfo ang iyang pagsuporta sa pagpatuman sa work-from-home (WFH) setup ug ride-sharing scheme isip tubag sa padayon nga pagsaka sa presyo sa lana nga nakaapekto sa daghang trabahante.
Sumala sa senador, dako’g tabang ang flexible work arrangements aron maminusan ang gasto sa pamasahe, ilabi na sa mga empleyado nga dili kinahanglan magpisikal nga presensya sa opisina aron matuman ang ilang trabaho.
Gisugyot usab ni Tulfo ang pagpatuman sa carpooling o ride-sharing sa mga empleyadong obligado nga mosulod onsite, aron makatipid sa gasto sa gasolina ug makunhuran ang adlaw-adlaw nga biyahe.
Gipasiugda pa niya nga napamatud-an na ang kaepektibo sa Work from Home (WFH) setup atol sa pandemya, diin padayon nga napadagan ang operasyon sa nagkadaiyang sektor pinaagi sa paggamit sa online platforms.
Photo Courtesy : Birla Evara
