Nakaangkon ug bun-og ug pangos sa kalawasan ang TV host ug Bicolano nga si Wally Bayola human kini naaksidente samtang nagmotorsiklo sa Andaya Highway sa Brgy. Bel-Cruz, Lupi, Camarines Sur, niadtong nakalabay nga adlaw ning kasamtangan nga tuig.
Sumala pa report sa BFP Lupi, nakahiagum og samad sa nagkadaiyang parte sa lawas ang komediyanteng Actor human natumba ang motorsiklo nga gisakyan sa gubang dalan sa lugar nga nahitaboan.
Gidala siya sa usa ka pribadong tambalanan sa dakbayan sa Naga diin kasamtangan siyang nagpaalalim. Kahibaloan nga mopauli unta si Bayola sa ilang pamilya sa dakbayan sa Naga alang sa Semana Santa.
Gipahinumdoman karon sa PNP Bicol ang mga motorista nga moagi sa Andaya Highway nga magmatngon aron mahilikay sa susamang disgrasya.
Photo Courtesy: IMDb
