Wala na kaikyas pa sa mga personahe sa Mati City Police Station uban sa mga sakop sa PIU DOPPO ug uban pang mga operatiba ang usa ka lalaki atol sa gikasang buy-bust operation didto sa Barangay Matiao, Mati City, Davao Oriental pasado alas 10:05 sa buntag niadtong Marso 29, 2026.
Giila ang supetsado nga si alyas “Jeff,” 27-anyos ug nakuha gikan sa iyang posisyon ang pipila ka pakete sa gituohang shabu nga gibana banaang adunay standard drug price nga Php1,500.00. Lakip usab sa nakumpiska ang marked money ug uban pang mga ebidensya.
Gimarkahan ug giimbentaryo sa lugar ang mga nasakmit nga butang uban sa mga kinahanglang testigo ug sa suspek mismo. Samtang gipahibalo usab kini sa iyang katungod pinaagi sa pagbasa sa Miranda Rights.
Sa kasamtangan ang dinakpan anaa na sa kustodiya sa Mati City Police Station alang sa tukmang disposisyon ug mag atubang sa kasong paglapas sa RA 9165 (Comprehensive Dangerous Drugs Act of 2002).
