Paslak na sa prisohan ang usa ka indibidwal human nadakpan sa mga otoridad atol sa gipatumang operasyon didto sa Purok Gemelina, Brgy. Poblacion, Cateel, Davao Oriental pasado alas 4:00 sa hapon niadtong Marso 29, 2026.
Gihimo ang operasyon pinaagi sa mga personahe sa Cateel Municipal Police Station, kauban ang mga sakop sa Valencia CPS BPPO ug uban pang mga operatiba nga nagresulta sa pagkasikop ni alyas “Joy”, usa ka Other Wanted Person, 46-anyos, negosyante ug residente sa Purok Bongabay, Brgy. San Victor Baganga sa maong probinsya.
Ang suspetsado naaresto pinaagi sa pagpatuman sa Warrant of Arrest alang sa kasong Estafa sa Art. 315 (2) (A) sa Revised Penal Code nga gi-amendar sa Sec. 85, R.A. 10951 may kalabutan sa Sec. 6 R.A. 10175 nga adunay pyansang girekomendar ang korte nga mokabat sa Php18,000.00 alang sa iyang temporaryong kagawasan.
Sa panahon sa pagdakop, ang akusado gipahibalo sa iyang katungod pinaagi sa pinulongan nga iyang nahibal an. Sa karon ang dinakpan anaa na sa kustodiya sa Cateel Municipal Police Station alang sa hustong disposisyon.
