Gipahibalo sa Department of Energy (DOE) nga ang nasod nakadaginot og dul-an sa 145.43 megawatts sa enerhiya tungod sa pagsalmot niini sa Earth Hour nga nagsugod alas 8:30 sa gabii hangtod sa alas 9:30 sa gabii niadtong Sabado, Marso 28.
Sa usa ka pamahayag, ang DOE nagkanayon nga base sa ilang datus, kadaghanan sa Luzon nakadaginot og dul-an sa 75.25 MW sa enerhiya, 66.6 MW sa Visayas ug 3.58 MW ang natala sa Mindanao.
Matod pa ni Energy Secretary Sharon Garin, ang pagsalmot sa mga Pilipino sa tinuig nga Earth Hour nagpasabot lamang nga makab-ot sa nasud ang dakong pagkunhod sa konsumo sa enerhiya.
Matod pa niya nga usa lang kini ka pahinumdom nga ang pagkonserba sa enerhiya dili lang gipatuman sulod sa usa ka oras kondili gipraktis kini sa adlaw-adlaw nga mga kalihokan.
Samtang, ang Departamento sa Enerhiya nag-awhag sa publiko nga ipadayon ang Earth Hour dili lamang isip tinuig nga obserbasyon pinaagi sa pag-implementar sa energy-efficient practices ug bisan sa trabahoan.
Photo Courtesy: Philippine Energy Effeciency Alliance
