Gisugyot ni Rolando Ledesma Macasaet ang dali nga paghatag og Easter Emergency Bonus alang sa mga pensyonado sa Social Security System (SSS) ug Government Service Insurance System (GSIS).
Sumala ni Macasaet, dako kining tabang aron maminusan ang epekto sa krisis nga giatubang sa mga pensioners, ilabi na sa padayon nga pagsaka sa presyo sa gasolina, pagkaon, ug medisina.
Gipasabot usab niya nga sa kasamtangang kahimtang, gikinahanglan ang paspas nga paghatag og tabang alang sa mga pensioners nga nagasalig sa ilang pensyon.
Dugang pa niya, isip kanhi pangulo sa GSIS ug SSS, makasalig nga dili maapektuhan ang kalig-on sa pondo sa duha ka ahensya pinaagi sa paghatag sa maong bonus.
Matod pa niya, dili na kinahanglan pa og aprobasyon gikan sa Malacañang o Kongreso, tungod kay adunay igo nga gahum ang mga Board sa SSS ug GSIS sa pag-aproba ug pagpagawas sa maong benepisyo.
Photo Courtesy:Philippine News Agency
