Nabalaka ang mga residente sa Brgy. Lumbocan, Butuan City, human nasigpatan ang presensya sa buwaya sa sapa sa nahisgotang dapit.
Sumala ni Barangay Lumbocan, Kagawad Alexander L. Librado, namatikdan ang maong buwaya nga naglangoy sa sapa, hinungdan sa kahadlok sa mga lumulupyo ilabi na sa mga bata nga kasagarang magduwa ug maligo sa maong lugar.
Gidugang sa opisyal nga ila nang gi-paabot ang nasigpatang buwaya sa Community Environment and Natural Resources Office (CENRO-Nasipit), Samtang nagpadayon ang imbestigasyon, gihangyo ang kooperasyon sa publiko sa pagsunod sa mga pahimangno sa otoridad alang sa kaluwasan sa tanan.
Photo Courtesy: Postermywall
