Usa ka talagsaon ug kataw-anan nga insidente ang nahitabo human gi-dakop sa mga otoridad ang usa ka manok tungod sa giingong “ilegal tambay” sa daplin sa kalsada.
Sumala sa mga saksi, kanunay matod pang makita ang maong manok nga maglibot-libot ug magtambay sa tunga sa dalan, hinungdan nga makabalda sa dagan sa trapiko ug posibleng makapahasol sa mga motorista.
Tungod niini, mihimo og aksyon ang mga pulis ug ilang gidakop ang manok aron malikayan ang disgrasya. Giingon pa sa usa sa mga pulis nga ang manok “walay permit ug lisensya” sa pagtambay sa maong lugar, maong gidala kini sa station.
Sa pagkakaron, naka kostudiya sa Police Station ang manok samtang naghulat kung naay moangkon niini. Samtang ang ubang residente, dili mapugngan ang kahimuot sa nahitabong insidente nga ilang gihulagway nga sama sa comedy movie.
Kini nga panghitabo medyo kataw-anan paminawon, apan naghatag gihapon og leksyon. Nagpakita kini nga usahay ang mga balaod ug implementasyon niini mahimong sobra o dili angay kung dili gamiton sa hustong paagi.
Samtang ang importante mao ang hustong pagpatuman sa balaod uban sa katarungan ug common sense. Kanunay nato hunahunaon nato mga kajuander nga dili tanan butang angay seryosohon kung dili kini makahatag og tinuod nga kaayohan. Og nagpahinumdom usab kini nga ang kahimtang usahay mahimong kataw-anan, apan kinahanglan gihapon nga magpabilin ang respeto ug hustisya sa tanang sitwasyon.
Photo Courtesy: Adobestock
