Gidakop na usab ang kanhi world number one sa golf nga si Tiger Woods, tungod sa DUI o pagmaneho ubos sa impluwensya sa ilimnong makahubog.
Gidakop ang propesyonal nga golfer human niya i-overtake ang work truck sa usa ka highway sa Florida. Sa proseso, nabangga niya ang likod sa trak, hinungdan nga kini nabalintong sa tunga sa dalan. Gikumpirma sa Martin County Sheriff’s Office nga si Woods nag-overspeeding sa dihang nahitabo ang aksidente.
Nakagawas si Woods sa iyang sakyanan sa wala pa miabot ang mga opisyal sa pagpatuman sa balaod. Sa dihang gihatagan siya og breathalyzer test, negatibo ang iyang resulta sa alkohol. Bisan pa, nagtuo ang mga imbestigador nga siya ubos sa impluwensya sa droga.
Midumili usab si Woods nga ipa ilawom sa urine test, nga miresulta sa laing lahi nga kaso sa Florida. Karong bulana, si Woods nadakpan kaduha tungod sa DUI, dugang pa sa mga nangaging kaso nga iyang naangkon sa miaging mga tuig.
Ang golf legend, kinsa adunay career record nga 15 ka major championships, wala nakahiagom og bisan unsang grabe nga kadaot.
Photo Courtesy: The Times
