Nagpadayon ang kabalaka sa Milwaukee Bucks tungod dili pa sigurado kung kanus-a makabalik sa dula ang ilang superstar nga si Giannis Antetokounmpo.
Sumala sa ilang head coach nga si Doc Rivers, ang maong player karon nagpaayo pa sa iyang injury sa wala nga tuhod. Gipasabot ni Rivers nga bisan pa og adunay positibong progreso sa iyang recovery, kinahanglan gihapon og panahon aron hingpit siyang makarekober.
Gilauman nga posible siyang makabalik sulod sa mosunod nga lima ka mga duLa, apan wala pa kini kasigurohan, tungod giampingan pag-ayo ang iyang kahimtang aron malikayan ang mas grabe nga kadaot.
Nahiaguman ni Antetokounmpo ang iyang injury atol sa ilang dula batok sa Indiana Pacers niadtong Marso 15, nga nakaapekto pag-ayo sa performance sa team. Tungod sa iyang pagkawala, naglisod ang Bucks sa ilang kampanya karon nga season.
Photo Courtesy: Yahoo Sports
