Gipangunahan sa City Social Welfare and Development Office (CSWDO) ang proseso ug pagpanghatag sa application forms alang sa kapin tulo ka libo ka tricycle franchise holders sa Kidapawan City, niadtong milabayng adlaw.
Gipondohan ang maong subsidiya sa National Government aron makatabang sa mga drayber isip ayuda batok sa padayon nga pag-usbaw sa presyo sa petrolyo nga giingong epekto sa tensyon sa Middle East.
Sumala sa CSWDO, ang mga form nga gipanghatag kinahanglan ipakita sa mga benepisyaryo sa panahon sa pag-claim sa subsidiya, subay sa iskedyul nga ipagawas sa city government.
Kabahin ang maong programa sa paningkamot sa gobyerno aron maminusan ang epekto sa pagsaka sa presyo sa petrolyo ug masuportahan ang panginabuhian sa mga drayber sa syudad.
