Gipasalig sa Philippine National Police (PNP) nga mas pakusgan pa nila ang ilang road safety ug security operations sa dili pa ang Semana Santa ug summer vacation period, kini pinaagi sa pagdeploy og mga personahe sa dagkong highway ug importanteng rota sa pagbiyahe sa tibuok nasud.
Matod pa ni PNP Chief Police General Jose Melencio C. Nartatez Jr. nga ang importante ang proactive enforcement ug kooperasyon sa publiko aron sa hapsay nga pag-obserbar sa Mahal na Adlaw.
Kalabot niini, gi-awhag ni Nartatez ang mga drayber ug commuters nga magpabiling alerto, musunod sa balaod sa trapiko ug magplano sa ilang biyahe alang sa kaluwasan.
Sa laing bahin, sugod karung Abril 1, 2026, ang PNP Highway Patrol Group (HPG) ipakatap sa 179 ka estratehikong lokasyon uban sa 92 ka patrol teams ug 714 ka personahe aron masiguro ang kaluwasan sa mga motorista ug biyahedor.
Subay niini, gipahinumdoman sa kapulisan ang publiko sa mutuman sa mga safety tips sama na lamang sa pagsiguro nga anaa sa maayung kondisyon ang mga sakyanan sa dili pa mobiyahe, sundon ang speed limits, magsul-ob og seatbelt ug helmet, likayan ang paggamit og cellphone samtang nagmanehu ug magpahulay aron malikayan ang tukmang kakapoy.
Photo Courtesy: Tempo
