Padayon ang pagkunhod sa ihap sa mga user sa ilegal nga droga sa Pilipinas ug sa tibuok rehiyon 10, sumala sa Philippine Drug Enforcement Agency o PDEA atol sa pagkasakmit sa kapin kon kulang 20 kilos sa ilegal nga droga sa Cosmopolitan sa Cagayan de Oro City.
Giklaro ni PDEA Usec, Director General Isagani R. Nerez nga bunga kini sa hiniusang paningkamot sa mga law enforcement agencies sa matag rehiyon.
Matod niya, nakunhoran ang suplay sa ilegal nga droga nga hinungdan sa pagsaka sa presyo niini, busa mikunhod usab ang interes sa mga user. Dugang pa, dako usab ang natabang sa padayon nga educational campaigns batok sa peligro sa ilegal nga droga.
Nagpadayon ang PDEA sa pagpalig-on sa kampanya aron mas mapakunhod pa ang drug problem sa nasud.
