Hugot nga gamonitor ang Department of Energy (DOE) sa supply sa LPG o cooking gas sa nasud, human sa report nga ang supply molungtad na lang og 24 ka adlaw base sa kasamtangang stock ug paggamit.
Segon ni DOE Secretary Sharon Garin nga ilang gisugdan ang pagtan-aw sa paggamit sa LPG sa mga restaurant ug mga negosyo aron makapamenos sa paggamit hangtod moabot ang sunod nga delivery. Ang datos sa DOE sa Marso 20 nagpakita nga ang supply sa LPG ubos ug limitado.
Nagpahayag usab ang DOE nga nag-coordinate sila sa mga nasod nga nag-export og petroleum products aron masiguro ang padayon nga delivery.
Sa presyo, ang LPG sa Metro Manila karon anaa sa ₱825 hangtod sobra sa ₱1,000 matag tangke. Ang epekto sa Middle East conflict posibleng moapekto usab sa presyo sa uban pang produkto sama sa manok, nga posibleng moabot sa ₱324 per kilo, ug bugas, nga posibleng mosaka gikan sa ₱45 ngadto sa ₱67 per kilo.
Pipila ka manufacturers sa canned goods, noodles, tubig, ug sabon nagsaad nga ilang ipabilin ang presyo nga stable sulod sa 30–60 ka adlaw, depende sa gastuhan sa raw materials.
Photo Courtesy:PNA
