Nasikop sa mga otoridad ang usa ka lalaki atol sa gipahigayon nga manhunt operation sa Phase 2, Bulaong Extension, Barangay Labangal sa General Santos City alas 9:39 sa gabii niadtong nakalabay nga adlaw.
Ang suspetsado giila nga si alyas “Kokie,” usa ka temporaryong residente sa Purok Bagangga, Barangay Apopong sa maong dakbayan.
Sumala sa report, ang suspetsado usa ka kanhing preso nga nakagawas human hatagan og probation sa korte. Apan, dugay na kuno kini wala motambong sa iyang mga hearing, hinungdan nga gipangita kini sa mga otoridad. Nasikop kini tungod sa kaso nga may kalabotan sa ilegal nga droga.
Sa gibuhat nga body search, nakumpiska gikan sa suspetsado ang usa ka brown nga pitaka nga adunay sulod nga mga gituohang shabu. Sa pagkakaron, anaa na sa kustodiya sa mga otoridad ang suspetsado alang sa hustong disposisyon.
Photo Courtesy: DMO
