Nagpadayon ang kusog nga dagan sa Cebu FC Gentle Giants human nila gisipa ang Aguilas-UMak FC, 1-0, sa ikaduhang hugna sa Philippines Football League 2025-26 season sa Dynamic Herb-Borromeo Sports Complex.
Human sa ilang tabla batok sa defending champion nga Kaya FC-Iloilo sa miaging semana, mibawi ang Gentle Giants ug nakuha ang ilang ikalimang sunod-sunod nga kadaugan sa ilang teritoryo.
Nakapuntos sa game-winning goal sa ika-60-minute si Joshua Broce maoy, samtang si Marius Kore gihatagan og Man of the Match award tungod sa iyang impresibong performance. Anaa sa ikaduhang puwesto ang Cebu FC sa standings uban ang 38 puntos, upat ka puntos lamang ang ilang gintang sa lider nga One Taguig FC nga adunay 42 puntos.
Naa sa ikatulong dapit ang Manila Diggers uban ang 36 puntos, parehas sa puntos sa Kaya FC-Iloilo nga anaa sa ikaupat nga puwesto. Samtang ang Aguilas-UMak FC anaa sa ikalima nga dapit uban ang 29 puntos.
Sunod nga mosangka ang Cebu FC batok sa Garelli United FC karong Domingo, Marso 29, sa maong venue.
Photo Courtesy:Philstar.com
