Nakakuha og grant ang Marcos administration nga mokabat og Php1.8-B gikan sa Australia aron sa pagpondo sa programa nga nagtinguha sa pagpaayo sa ease of doing business sa Pilipinas ug pagsuporta sa small, medium, and micro enterprise (MSMEs).
Pinaagi sa Department of Finance (DOF), Aus $45milyon nga grant ipatuman ubos sa usa ka flagship nga inisyatiba sa Canberra nga gitawag og Promoting Growth, Resilience, Economic Stability and Sustainability in the Philippines Program o Progress.
Sumala sa DOF, ang Progress nagtinguha sa pagtabang sa nasud aron mabuntog ang mga babag sa pagtubo sa ekonomiya.
Nagpasabot kini sa pagsulbad sa hinay nga pagmugna og pormal nga trabaho; dili patas nga kita; mga sistematikong babag nga nakaapekto sa kababayen-an, mga persons with disabilities, ug mga marginalized nga grupo; global ug rehiyonal nga kawalay kasiguruhan; ug kahuyang sa mga kalit nga epekto sa klima.
Ang grant mosuporta sa mga pamuhunan sa limpyo nga enerhiya, pagminus sa epekto sa climate change, ug sa mga sektor nga makapadasig sa pagtubo sa ekonomiya.
Sumala pa sa DOF, usa ka implementing managing contractor (IMC) ang mopatuman sa Progress. Ang DOF ug ang Department of Foreign Affairs and Trade sa Australia magtinabangay sa pagdumala ug pag-supervise sa IMC.
Photo Courtesy: Vectorstock
