Nabulgar ang usa ka dako nga panikas sa mga baligyaanan sa Ecuador human nadiskubre sa mga siyentipiko nga halos katunga sa ginabaligyang isda nga corvina kay gikan diay sa karne sa pating.
Sumala sa pagtuon nga gimantala sa Frontiers in Marine Science, gigamit sa mga tigdukiduki ang DNA testing o Polymerase Chain Reaction (PCR) aron susihon ang mga sample sa isda.
Sa resulta, mitumaw nga mokabat sa 47.42 porsyento sa mga giingong corvina kay dili tinuod nga corvina, kundili gikan sa nagkadaiyang klase sa pating. Apil sa nadiskubre ang pipila ka delikado o endangered species nga klase sa pating sama sa Hammerhead shark nga protektado sa balaod.
Gipadayag sa report nga ang rason sa maong panikas mao ang dako nga kita. Ang corvina giisip nga mahalon o premium nga isda sa Ecuador, samtang barato ra ug dili kaayo pangitaon ang karne sa pating.
Sa pamaagi sa mga sindikato, ilang hiwa-hiwaon ang karne sa pating aron mamahimong murag ordinaryong white fish fillet, unya ibaligya kini sa mahal nga presyo ingon corvine
Photo Courtesy: Oddity Central
