Nagpadayon ang Panggamhanang Lokal sa Nabunturan sa pagpahigayon sa SERBISYO UBAN SA GUGMA CARAVAN niadtong nakalabay nga adlaw.
Kon asa personal nga gitambongan ni Mayor Myrocel Clarin Balili ang gipahigayon nga kalihukan sa Brgy. Bukal Nabunturan.
Kauban sa inahan sa Lungsod si Vice Mayor Cyrian Reterba , si SB member Hon. Rodel Balili og uban pang kaubanan sa Sangguniang Bayan inubanan sa representante ni Gov. Raul Mabanglo, mga personahe sa Nabunturan Police Station , Philippine Army BFP og uban pa nga mga opsiyales og mga Department Head.
Sa pakighinabi sa Juander Radyo News Team atol sa maong kalihukan, gibutyag ni Mayor Balili nga padayon pa nilang palig-onon ug ipalapad ang maong programa aron mas daghang katawhan ang matabangan ug mamahimng malambuon ang usa ka lugar kung maayo health care services.
Lakip sa mga serbisyong napahimuslan sa mga residente sa Barangay Bukal mao ang Operation Tuli, medical ug dental consultation, treatment ug medication, anti-rabies vaccination, deworming sa farm animals, distribution sa vegetable seeds, libreng legal services ug legal assistance, health and wellness services, ug optical consultation ug treatment.
Sa laing bahin, gipasiugda ni Vice Mayor Cyrian Reterba nga responsibilidad sa lokal nga panggamhanan ang pagdala sa serbisyo ngadto sa katawhan, ug dili ang katawhan ang moadto sa gobyerno aron mangayo og tabang.
Hinumduman nga ang Serbisyo Uban sa Gugma Caravan usa sa mga flagship programs ubos sa administrasyon ni Mayor Balili nga gisugdan niadtong 2023, ug karon nahimo nang tinuig nga programa sa lungsod. Tumong niini, nga mapadangat ang mga batakang serbisyo sa lokal nga panggamhanan ug mga national agencies ngadto mismo sa mga barangay, aron mas dali ug episyente nga mahatagan og serbisyo ang katawhan.
