Nisikat karon sa social media ang usa ka makapakurat nga impormasyon bahin sa gigikanan sa chainsaw. Sumala sa kasaysayan, ang chainsaw dili diay una gigamit sa pagputol og kahoy, kundili sa medikal nga operasyon sa pagpanganak.
Balik sa tuig 1780, gihimo sa duha ka Scottish nga doktor nga sila si John Aitken ug James Jeffray ang unang bersyon sa chainsaw. Gigamit kini sa operasyon nga gitawag og symphysiotomy, diin ginaputol ang bahin sa bukog sa pelvis aron mapalapad ang agianan sa bata panahon sa lisod nga pagpanganak.
Ang unang chainsaw gamay ra ug ginapaandar pinaagi sa hand crank, nga adunay kadena nga may gagmay’ng ngipon. Mas episyente kini kumpara sa ordinaryong kutsilyo sa maong panahon.
