Mokabat sa 8200 nga mga kliyente ang nahatagan ug probation sa Parole and Probation Administration (PPA) Region 9 sa kinatibuk-ang rehiyon sa Zamboanga Peninsula.
Kini subay sa gibutyag ni Amites Butiong, Regional Officer in Charge sa Parole and Probation Office Region 9 atol sa pakighinabi sa Juander Radyo News Team.
Niya pa, sa maong ihap sa nahatagan sa probation 90 porsyento niini mga drug related cases ug 10 porsyento lang ang nalambigit sa ubang mga kaso.
Giingon ni Butiong ang maong mga kliyente obligado usab nilang hatagan ug mga livelihood intervention apan magdepende lang kini sa interes sa ilang mga kliyente aron dili masayang ang kwarta sa gobyerno.
Alayon niini, nanawagan si RD Butiong ngadto sa mga probationer nga himoon ang epektibong pamaagi ug sundon ang regulasyon sa PPA aron makalikay sa paghimo ug kriminalidad ug pagkabalik diha sa prisohan.
