Sugdan na sa Department of Agriculture (DA) ang pagpanghatag og ayuda sa mga mag-uuma ug mananagat karong Abril 6, 2026.
Sumala ni DA Secretary Francisco Tiu Laurel Jr., gisaad na sa Department of Budget and Management (DBM) nga i-release ang pondo karong Abril 2.
Makadawat sa tag Php2,325 gikan sa Presidential Assistance for Farmers and Fisher-folks ang anaa sa 4.175 million nga mga mag-uuma ug mananagat.
Dugang pa ni Laurel Jr, aduna pay nahibiling pondo alang sa fuel subsidy, apan mga kwarenta mil na lang ang posibleng mahatagan.
Giingon ni Laurel Jr., apektado na usab ang mga mag-uuma ug mananagat sa pagsaka sa presyo sa petrolyo tungod kay nagamit sila ug makinarya sa pagtikad.
Photo Courtesy: Metro News Central
