Gi-kwestyon sa National Basketball Players Association (NBPA) ang 65-game rule sa National Basketball Association (NBA).
Kini human malangan ang kahigayonan ni Cade Cunningham sa pag-apil sa mga awards tungod sa maong regulasyon. Sa pagkakaron, nakaduwa pa lamang si Cunningham og 61 ka duwa, ug posible nga dili na kini mokabat og 65 tungod sa iyang injury nga collapsed lung.
Matod pa sa NBPA, dili makatarunganon nga dili maapil sa awards ang usa ka magdudula tungod lamang sa gitawag nilang “arbitrary” ilabi na kung adunay lig-on nga rason sama sa injury.
Giingon usab sa kampo ni Cunningham nga angay siya makabaton og All-NBA recognition human sa iyang pinakamaayong performance karong season.
Dili lang si Cunningham ang apektado sa maong lagda, kundili lakip usab ang mga dagkong ngalan sama nila LeBron James, Stephen Curry, ug Nikola Jokic.
Tungod niini, nanawagan ang NBPA sa liga nga usbon o amyendahan ang 65-game rule aron mahimong mas patas alang sa mga magdudula.
Photo Courtesy: The Sporting News
