Gitun-an na karon sa Philippine National Police (PNP), pinaagi sa National Capital Region Police Office (NCRPO), ang posibilidad sa pagpasaka og kaso batok sa pipila ka mga demonstrador nga miapil sa protesta atubangan sa US Embassy.
Sumala ni PNP Spokesperson ug Public Information Office Chief PBGen. Randulf Tuaño, bisan og adunay gamayng komosyon atol sa maong rally, dali ra kining nasulbad human nagkasinabtanay ang duha ka han-ay sa mga rallyista ug ang kapulisan.
Gipasabot ni Tuaño nga klaro usab ang hugot nga pagpatuman sa “maximum tolerance” sa kapulisan aron malikayan ang grabe nga kagubot sa maong hitabo.
Bisan pa niini, padayon nga gisusi sa PNP ang mga posibleng kasong ipasaka batok sa pipila ka mga nagprotesta, hilabi na kay migawas nga wala silay permit nga nagpahigayon sa ilang rally.
Sa pagkakaron, wala pa gipadayag sa PNP ang espesipikong kaso nga ilang ipasaka samtang nagpadayon pa ang imbestigasyon.
Photo Courtesy: Daily Tribune
