Kinasing-kasing nga gipadayag ni Governor Emmylou “Lala” J. Taliño-Mendoza ang dedikasyon sa panggamhanang panlalawigan aron ma-prioridad ang kaayohan sa mga Cotabateño, pinaagi sa patas nga pagdumala.
Kini iyang gipahayag sa 2026 State of the Province Address (SOPA) nga gihimo niadtong Martes, Marso 24, 2026 sa The Basket, Provincial Capitol Compound sa Amas, Kidapawan City.
Gipaambit niini ang mga programa sa kapitolyo nga naglangkob sa tanan nga hugna sa kinabuhi sa katawhan — gikan pagkahimugso hangtod pagkahamtong — aron matubag ang panginahanglan sa tanan ug mapalig-on ang matag sektor sa probinsya.
Gipahimangno usab sa gobernador ang lig-on nga fiscal status sa probinsya, diin nagpabiling “Probinsyang Walang Utang ang Cotabato”, uban ang padayon nga pagtaas sa Total Tax Revenue gikan sa Local Sources, Non-Tax Revenue, Special Education Fund, ug uban pa. Gibutyag usab ang pagtaas sa Surplus, Assets, ug Equity samtang naminusan ang Liability.
Sumala sa gobernadora, ang maong kalig-on nagpakita sa kapasidad sa kapitolyo sa pagpondar sa umaabot nga mga proyekto ug sa pagserbisyo sa katawhan, bunga sa maayong pagplano, epektibong pagdumala, suporta sa mga ahensya sa gobyerno, ug kooperasyon sa mga Cotabateño.
Photo Courtesy:Wikipedia
