Pormal na nga gideklara ni President Ferdinand Marcos Jr. ang state of national energy emergency aron protektahan ang nasud gikan sa nagsingabot nga epekto sa nagkagrabe nga tensyon ug panagbangi sa Middle East. Mga Gabay sa Lungsod at Lokal.
Base sa kinatibuk-an sa Executive Order (E.O.) No. 110 nga giisyu penetsahan Marso 24, 2026, nagtumong ang maong lakang nga tubagon gilayon ang hulga sa kalig-on ug igong supply sa enerhiya sa nasud human masuta sa Department of Energy (DOE) ang kritikal nga sitwasyon.
Sumala sa kamanduan ang pagsira sa Strait of Hormuz ingon man ang panagbangi tali sa United States, Israel, ug Iran nakapahimo og grabe nga pagkalangay sa global oil shipments.
Tungod ang Pilipinas usa ka net importer of petroleum products, gi-angkon sa gobyerno nga daling na-apektuhan ang nasud sa kalit nga pagsaka sa presyo sa lana ug pagkalangay sa mga supply chains. Aron makuhaan ang epekto niini sa publiko ug sa ekonomiya, gimando usab sa Presidente ang halapad nga pagpatuman og Unified Package for Livelihoods, Industry, Food, and Transport o UPLIFT.
Kini ang magsilbing opisyal nga whole-of-government response framework aron masiguro nga magpadayon ang dagan sa negosyo ug paghatag og mga nag-unang serbisyo, partikular sa mga sektor kansa grabe nga na-apektuhan.
Base sa katapusang panid sa nasangpit nga E.O. nga gipirmahan ni Acting Executive Secretary Ralph G. Recto, ang deklarasyon magpabiling epektibo sulod sa usa ka tuig gikan sa pagpagawas niini, gawas nalang kung bawi-on o palapdan pa sa Presidente
Photo Courtesy: Diskurso PH
