Nagmando si Presidente Ferdinand Marcos Jr. sa pagtukod og usa ka crisis management committee nga motutok sa mga panginahanglanon sa katawhan.
Kini ang gikumpirma ni Palace Press Officer USec. Claire Castro human sa nasinati nga krisis sa Middle East nga adunay epekto sa Pilipinas. Gibutyag ni Castro nga aduna na siyay gunit nga draft mahitungod sa pagmugna sa Crisis Committee taliwala sa mga panghitabo didto sa Middle East.
Matod pa ni Castro, sa wala pa adunay misugyot nga magtukod og crisis committee, nagmando na ang Presidente nga himoon kini. Sa pagkakaron, gina-pinalisa na ang mando ug nisaad si Castro nga ipagawas ang mga detalye sa higayon nga mahuman na ang unod sa draft.
Dugang pa niya, sa umaabot nga mga adlaw posibleng ianunsyo na kini sa Malakanyang, lakip na kung kinsa ang posibleng mangulo sa crisis committee.
Photo courtesy: Bongbong Marcos/ Facebook
